|
| June 29, 2009 (Mon)
邦主的家姐上星期突然去左夏威夷旅行，番泥之後join左我地食晚飯，一如以往，由埋怨邦主要去買鞋阻延食晚飯，到揀食d咩都好多意見，大家都林住食家鄉雞既時間，佢又話吾食要去睇下Pizza Hut (星期六先食左一次....)，但係又嫌d野食冇特色........ 揀左一陣，結果都係去嚼江南食中菜。對慣左麻煩既人今次算幾輕微，而且都吾係搵左好耐，對比前年既夏天同solomon+antony係旺角彌敦道被指東指西，在炎熱既街道搵野食搵左超過一小時好得多............ 嚼江南既食物只是一般水準，雞絲粉皮及蔥油餅算是合格，其餘氣窩雞、炒飯、水煮牛肉、小籠包味道一般至差，唯一既賣點係八點半後入座有七折。埋單約$400由Wendy姐請。
Wendy姐夏威夷返黎好興奮，大談係夏威夷買野用完之後拎番shop退錢，話說她去海灘時有泳鏡係shop度買左個值70~80蚊港紙既泳鏡，但係落到水不斷咁入水，游完水之後，用原本包裝紙包番，拎番間shop度換，講左一 輪個staff叫左assistant manager黎退番晒錢.... 又話英國用過件貨之後，只要keep番包裝盒及單據，就多數可以換，試過件貨用完之後，拎番shop度，個staff話隨便講個理由就即刻換件新既俾佢。 | | |
| Jun 3, 2009 (Wed)
Jackie及他的中學同學慶祝生日，搭單參加Megabox Neway生日party，順便見見Nick夢寐以求要一見既既空姐朋友仔及她的男朋友，不過，初次見面我就覺得麻麻地嘞，都係普通空姐咁樣啦，反而佢另一個同學樣子幾好，細細粒好有妹妹feel....... Megabox Neway其實環境吾錯，野食有很多款式味道算是合格以上，席間請求Jackie"陸"左碗車仔麵俾我試下佢d手勢，佢咩味精都吾落碗麵太過淡..... 總之吾好食啦~
Jun 4, 2009 (Thu)
慶祝Louisa生日，文哥安排左大家在上環朗庭坊5樓廚房食晚飯，頭盤牛舌+蟹，海鮮(龍蝦)湯，主菜rib eye，食完主菜，侍應拎左個訂造的拿破倫蛋糕出黎，再同大家唱生日歌祝sasa生日快樂，拿破倫蛋糕超級好食，個餅切得整齊一層層脆皮沒有歪到沒有cream漏出黎，可以逐層食落去，餅皮好鬆夾埋d cream甜度剛剛好，食完生日蛋糕，再試埋dessert：香橙梳乎厘。成晚食左5~6樣野，飲埋文哥帶黎四支紅酒及數支香檳，每位$500其餘文哥包底。
Orange souffle with fresh fruit and cream sauce 香橙梳乎厘
| | |
| May 31, 2009 (Sun)
相約均昊、小翟踩單車一行五人由大埔踩去大尾篤再返大埔交車，早上11點半出發到達大尾篤時已經1點半，原本計劃BBQ但最後太累都係隨便搵間餐廳食飯。大尾篤有好多野玩~ 可以釣魚、可以撐艇仔，二人艇仔1小時$25、四人艇仔1小時$50都幾抵玩，不過覺得時間不夠冇玩到，下次定要試下先得~ 飯後大家上左水灞繼續踩單車，當日天氣非常好，沿水灞行有很多人在曬日光浴吹海風，到大灞盡頭hea左半小時後回程。小翟的女友踩單車好叻，我地踩左四個鐘回到大埔時累得差點暈低，佢仲好生猛咁話有點累........
| | |
| May 28, 2009 (Fri)
講起基金及股票問題，被大輝好兇咁話係人都知中移動吾會升，一定跑輸大市，因為中央政策傾斜，吾妥中移動獨大，新政策令中移動既客戶可以隨便轉台，但新客戶要轉用中移動係吾可能；其次係中移動原本收費比其實電訊服務商昂貴是由於它的發射站及電訊網絡遠遠比競爭對手完善，遍及農村鄉間，但新政策令中移動要無條件將發射站及電訊網絡租予其他競爭對手，令中移動可以壟斷市場的優勢。
其後，翻查資料發覺影響不會有想像中大，因為轉台問題只係講緊其他台既客吾可以帶號碼轉用中移動，中移動既客則可以帶號碼轉用其他網絡供應商；一直以來中移動網絡較對手完善，每年中移動開支700~800億增強及鋪設發射站，網絡遍及農村地區，而聯通每年只花費200億，由於網絡通話質素有差距，故中移動收費保持略高於對手，但上客量大大超越對手，但新政策令中移動需要無條件租出網絡發射站予對手使用，類似漫遊模式，當聯通客戶去到沒有訊號既地方，便會自動轉為中移動網絡，令用戶仍可正常通話，好像提升了聯通網絡，但由於漫遊時網絡是由中移動租出，聯通用戶通話的費用會有部分繳交予中移動，其實短期會有其他網絡商既客戶繳交通話費用予中移動。新政策相信對短期盈利增長不太大負面影響，但最大隱憂是政策傾斜令中移動遠期客戶增長減少。 | | |
| May 2 ~ 3, 2009 (Sat ~ Sun)
Jacki 既同學 Candy姐姐帶領下，大家去左深圳西麗湖騎馬，搭地下鐵到世界之窗站，轉乘的士約RMB34或RMB40包車，直達西麗湖門口，係門口同Security講出暗號：去跑馬埸，搵德叔架！敢就可以不用購票入西麗湖。進入西麗湖按指示牌指示，穿過一排馬廄，可以見到一個頗大的跑馬場，側跟停泊了很多私家車，而且大多數都是寶馬，馬廄裡面亦都有匹馬叫"奧巴馬"......
由於是初學者，只能揀RMB250往白芒的野外路線，由跑馬場出發沿往白芒的山徑上山繞一圈之後折返，行程為45分鐘左右，我們一上馬調較好馬鞍及腳踏就立即出發，整隊人一前一後共有兩個訓練員騎馬帶住，馬匹都受過訓練，不需指示，自然跟隨帶頭訓練員行，我們只要坐穩不用控制匹馬，沿途訓練員講解騎馬既姿勢、怎樣配合馬匹踱步、落斜及試跑......... 半路山上有一個中途站，原本我們行得比較快訓練員不打算休息，係路口叫大家拉馬頭向右路行，但我拉慢左，被匹馬行多左兩步見到中途站，結果牠突然離群向中途站奔跑，於是我係咁拉住隻馬，要牠停低，雖然控制到牠成功停低、掉頭後牠又吾肯行，激死，卒之大家都要係中途站停下休息......... 回程時，訓練員開始斷續帶馬匹放蹄快跑，到最後一段返回跑馬場的大直路全部馬一齊衝返去跑馬場的時候，我居然失足雙腳都甩左腳踏，差點墮馬，唯有死抓緊馬鞍等匹馬停低，所以騎馬其實都幾危險，但下次若果再去會騎RMB330往白芒的路線，可以騎2~3小時。
因為Candy姐姐舅父在深圳住，她本人亦經常深圳玩，所以帶左我地去幾間價錢抵食、食物好食、環境舒適的餐廳食野，當然尚有body massage及逛街+行輸城。下次有機會的話要去玩激流......
| | |
|
